Գաղթականութեան Ու Թափառաշրջիկութեան Քահանայապետական Խորհուրդի Պատգամը` Ծովու Օրուան
Առթիւ։
Կիրակի 14 յուլիսը Ծովու նուիրուած կիրակի է, այս առթիւ գաղթականութեան ու թափառաշրջիկութեան
քահանայապետական խորհուրդը պատգամ մը ուղղած է բոլոր նաւավարներուն, նաւաստիներուն ու
ծովագնացներուն, հրաւիրելով քրիստոնեայ հաւատացեալները ճանչնալու շուրջ 1,5 միլիոն նաւաստիներու
աշխատանքը, որոնք աւելի քան 100 հազար նաւերով ծովէ- ծով եւ ովկիանոսէ - ովկիանոս մարդիկ
եւ բեռ կը փոխադրեն։ Անոնց կեանքը շատ դժուար է եւ յաճախ ամիսներով հեռու կը մնան
իրենց օճախներէն։ Պատգամը կը շնորհաւորէ միջազգային կազմակերպութեան ծովային աշխատանքի
համաձայնագրի ստորագրութիւնը եւ որուն գործադրութիւնը կը սկսի 2013-ի օգոստոսին սկիզբը։
Համաձայնագիրը կը ճանչնայ նաւաստիներու իրաւունքը արդար վարձատրութեան, առողջապահութեան
եւ ընկերային ապահովութեան։ Պատգամը կ'եզրափակուի աղօթքով մը ուղղուած Տիրամօր` Աստղ
Ծովու, որպէսզո լուսաւորէ եւ ընկերանայ ծովու մատրանապետերու առաքելութեան, նեցուկ ըլլայ
անոնց որոնք հաւատարմօրէն կ'աշխատին ու անոնց որոնք կանչուած են վկայելու իրենց քրիստոնէական
հաւատքը ծովային աշխարհին մէջ։